Leiri -hai hi , Hmar hnam danghai ang bokin, China rama inthokin,China bang ropui (Great Wall of China ) an bawl lai khan thawluina leia sinthaw an nghok leiin an suok vea.Tlang tieng Tibet le Himalaya tieng vur a tam lei in an fe pei thei nawa .An hnung kira.Thailand (Siam) ram fe thlang in ,Burma ram an luta..Vadung pariet lai tuipui liena luong lut an tuok a.Chu tuipui chu kan ruol an naw lei in, a hminga tuisuoriet an inbuk a.Tulai mi tam chun Tuifinriet ei ti bok.Tuisuoriet (Ocean)-a inthok chun tlang ram panin Shan State an tlung a.Shan State ah kum 400 vel an um hnungin ,India tieng panin tlang an tla ta pei .Trieu vadung an kai hma khin,,kum 1700 vel khan, Dil lien deu le inthuk deu an tlunga .Chuonglai a an ring dan chun,hi Dil hi"Mi thi thlarau povin an sir seng a,hoilopar chu an thliek pha chun, khawvel an ngaina a bova,an nhga kir nawk ta ngai nawh,"an tih . Chuong lai thuvuongva pakhat chuh dilpui sunga chun 'Sakol Lien",rulpui ang deu, a lu inhreu bum el a um a.A phing a tam pha leh dila inthok chun a hung suok a,dil suongah a lut nawk hlak,an ti a.Mihriem le ramsa , bawng le ramsiel chenin ,an pumin a lem a,dil sungah a lut nawk hlak .A ram thra sien khawm , a bul a khuo siem chu,Van-hnuoi-mi-tri-sim a na .Tukhawma chu dil hnaia chun khuo an sat ngam nawa.Amiruokchu mi an um naw leiin a phai le tlang panghai chu lo dingin a thra emem a.Leiri-hai chun chu hmun a um a,um hmun khuora, khawsak an nuom hle a.An tri bok si! Leiri upahai mi hril dan chun,Thiempu,Ramlal Pudaite chun,hienghin a hriel tawl tah a."Uichalin inthawi ka ta.Dilpuia Sakol neitu thlarau chu suklawm tum ka ta.Archal le arpui ram hnuoia chun insuo ka ta.Zing vartrien, khawvar hmaa archal voihni a khuong chung chun,um ngamna hmu ning a ning a tih ,"a ti a.Uichal chun inthawina a siema ,archal le arpui an suo ta a.Leiri -hai chu tri dor dor le inthin pumin zan khwvar , ar chu a khuong le a khuong naw nghakin ,dil bul a chun an thrung a.Vartrien chun archal chu voihni a hung khuong a.Apui khuong ngailo khom chu a khuong ve ta a.Lawma kut benin ,dil pang a chun an lam ta duolduol a.Suotienga dil saka tlang pahni inkara chun khuo an sat ta a.Chu kaw hming chu LEIRI an tia.A dil khom chu Leiri Dil an tih. Hi hmun Leiri khuo a hin kum 10 lai ,hnien inhnar taka an um hnungin ,Mautam trampui a tlung a.Mitam takin mautam tram rinum tak chu a ram phekin ,an tuor a.Leiri hai ruok chu Mautam chun a tawk ve naw a. Chu Mautam chu kum 1710-1712 lai a nih.Chun Ril Dil bula Leiri khuo,tlang pahni kara an sat kum chu,1700 vel ni in an sui. ----KA HRING NUN-Dr.Rochung Pudaite
No comments:
Post a Comment